मेरा कुछ सामान ...
मला खात्री होती,
शरीरावरुन नाहीसे होतात स्पर्शांचे ठसे..
त्वचा कात टाकेल तसतसे...
सगळ्या नियमांना अपवाद करुन
मन जसं धरुन बसलय
तुझ्या प्रतिमा..
भरु देत नाहीये जुन्या जखमा..
तसं शरीर नाही करणार..
सृष्टीच्या नियमाप्रमाणे
ते टाकत राहिल कात..
आणि मग माझ्या नव्या त्वचेला नवा वाटेल
तुझ्या कातडीचा पोत..
तुझ्या स्पर्शातली आसोशी..
मला खात्री होती..
या काळात कितीदा कात टाकली असेल,
तुझ्या माझ्या शरीराने..
मोठ्या उत्सुकतेने हात पुढे केला मी,
तुझा अनोळखी स्पर्श अनुभवायला..
तेव्हा जाणवलं..
यावेळी शरीरानेही अपवाद केलाय नियमाला..
इतक्या काळानंतरही,
तुझे ठसे जिवंतच..
तुझा स्पर्श ओळखीचाच..
आता मलाच समजेनासं झालंय..
हा मोहोर,
तुझ्या ओळखीच्या स्पर्शाचा,
की माझं शरीर माझ्या मनाशी एकरुप झाल्याचा?
6 Responses
  1. या ओळी वाचल्यानंतर एक जून गाण आठवल... ...
    कभी रात दिन हम दूर थे, दिन रात का अब साथ हैं
    वो भी इत्तेफ़ाक की बात थी, ये भी इत्तेफ़ाक की बात हैं


  2. Indraneel,
    हे गाणंच का आठवावं हे नीटसं कळलं नाही पण गाणं चांगलं आहे म्हणून धन्यवाद.. :-)


  3. jas mi yaadhi hi mhatlay ki pratyek goshtikade pahanyacha pratyekacha drushtikon vegla asto.. so it happens that when you look at something it reminds you of something else which might not be there in anyone's life..
    Mala watt.. tuzya kavitet suddha nayak ani nayika kahi mothya kalavadhi nantar punha ektr aale ani tyaveli jya bhavana tyanchya manat aalya astil tashach tuzya nayak nayikechya aalya asavyat... as watt..



  4. सुवर्णा जोशी Says:

    अप्रतिम गुरू....अगदी सहज शब्दबद्ध केल्या आहेस भावना